God Father Title Song

ఏకో రాజా విశ్వరూపధారి శాసించే చక్రధారి

అంతేలేని ఆధిపత్య శౌరి దండించే దండకారి

శాంతి కోసం రక్తపాతం వీడు పలికే యుద్ధపాఠం

నల్ల దందా నాగలోకం వీడు తొడిగే అంగుళీకం

కర్మ భూమిలోన నిత్య ధర్మగామి

వేటుకొక్క చెడును వేటలాడు సామి

ఎక్కడుంటేనేమి మంచికితను హామీ ఒక్క మాటలోన సర్వాంతర్యామి

గాడ్ ఫాదర్ గాడ్ ఫాదర్గా డ్ ఫాదర్ గాడ్ ఫాదర్

ఆకసం పట్టని నామధేయం

నిర్భయం నిండిన వజ్రకాయం

ఆపదే అంటని అగ్నిగేయం వీడో ధ్యేయం వీడి వెలుగు అద్వితీయం

ఆటగా ఆడిన రాజకీయం

అంతరంగం సదా మానవీయం

సాయమే సంపద సంప్రదాయం వీడో ధైర్యం

వీడి పలుకు పాంచజన్యం

అందలాలు పొందలేని పట్టం వీడే

అక్షరాలకందిరాని చట్టం వీడే

లక్షలాది గుండె సడుల చుట్టం వీడే

అనుబంధం అంటే అర్ధం వీడే

మంచి చెడ్డ పోల్చలేని ధర్మం వీడే

తప్పు ఒప్పు తేల్చలేని తర్కం వీడే

పైకంటి చూపు చూడలేని మర్మం వీడే

కరుణించే కర్త కర్మ వీడే