TINNAGA

పల్లవి

తిన్నగా మాటాడరా వేణుగోపాల -

పున్నెమబ్బీని నీకు

అనుపల్లవి

మొన్నరేయి నీ - సన్న దెలుసుకొని

కొన్నమగడు నాపయి - కోపించేర సామి

చరణం

ఎంతో వేడుకతో - నెనసి ముచ్చటలాడి

వింతరతులు గూడవేళ - సంతనగాదు

వంతకారి బావ - వచ్చేటి వేళాయె

రంతులు సేయకు - రచ్చకోర్వను సామి

తిన్నగా

చరణం

విరుల పాన్పు పయిని వేడుక లలరగను

గురుకుచముల చేర్చు - కొందు నింకొకసారి

మరుగులేక - యెరుపుగా నుండితే చాలు నాసామి

॥తిన్నగా

చరణం

గుత్తగానివలె - నింతింతై వచ్చేవు

అత్త కంటే మోస - మంగడిబెట్టు

చిత్తాన నెనరుంటె - చేరి యుండగవచ్చు

వత్తురెవ్వరైన - వడిగ గూడర సామి.

॥ తిన్నగా॥