Letras
॥పల్లవి॥ శిరసు వంచకు మిఁక శ్రీనరసింహా నీ
సిరు లెన్నైనాఁ గలవు శ్రీ నరసింహా
॥చ1॥ చెలి నీతోడపై నెక్కె శ్రీనరసింహా
చెలరేఁగె నీమోము శ్రీనరసింహా
సెలవుల నవ్వుదేరె శ్రీనరసింహా నీమై
చెలప చెమట లుబ్బె శ్రీనరసింహా
॥చ2॥ చేరఁడేసికన్ను ల శ్రీనరసింహా
చీరుమూరాడీ వలపు శ్రీనరసింహా
చీరకొంగంటేవేమీ శ్రీనరసింహా
చేరె నీకు నామేలు శ్రీనరసింహా
॥చ3॥ చేవల్లకు వచ్చితివి శ్రీ నరసింహా నా-
సేవలెల్లా మెచ్చితివి శ్రీనరసింహా
శ్రీవేంకటాద్రి మీఁది శ్రీనరసింహా
చేవమీరె నీవేడుక శ్రీనరసింహా