Letras
الخط ده خطي
والكلمة دي ليا
غطي الورقة غطي
بالدمع يا عينيا
شط الزيتون شطي
والأرض عربية
نسايمها أنفاسي
وترابها من ناسي
وإن كنت أنا ناسي
متنسانيش هي
والخط ده خطي
والكلمة دي ليا (آه، آه...)
لأكتب علي عيني
يحرم عليكي النوم
وأحبس ضيا عيني
بدموعى طول اليوم
قبل الوفا بديني
زي الصلاة والصوم
ده الدين فى عرف الحر
هم ومذلة ومر
وشجون تصون وتجر
آه، أحزان مخبية
والخط ده خطي
والكلمة دى ليا
لأكتب على كفي
والحبر من دمي
يا همتي كفي
يا عزوتى ضمي
أول ما هنوفي
بالوعد هنسمي
بأسم اللى ماتوا صغار
فى المدرسة والدار
والمصنع اللي إنهار
فوق الصنايعية
والخط ده خطي
والكلمة دى ليا
الخط ده خطي
والكلمة دي ليا
غطي الورقة غطي
بالدمع يا عينيا