Letras
Nou va marone santié kivi
Èk nout kabay la briz
Nou va résof nout rèv la vi
Èk la brèz nou atiz
Zanfan lamour la va énèt
An lanbélisman anou
Pou li sak zour, sar zour de fèt
Tousa i tyin k'anou
Aou fanm vavang
Ansanm na réinvant lamour
Èk nout ganblo plin n'rèv
Pou roul dosou zétwal
Aou fanm Lamour
Nou sar konm dé pti marmay
Èk nout kér loséan
Pou nou filos lo tan
Nou va aprivwaz livér, lété
Konm pou défi létérnité
Nou va fane fane bann grin mayi
Promès prolonz la vi
Si la vi i tyin k'a in fil gitar
Nou va sant santé ziska tar
Aou, amwin, ali, anou
Promès lamour pou nou
Nou fine frol lo sièl (oo lao)
Nou fine gout domièl (oo dou minm)
San dékros la line (oo lao)
Lamour la sort dann zérb vér
Pou fléri dann bér,
Nou yinm, nou yinm
Anou minm nou yinm
Aou fanm vavang
Ansanm na réinvant lamour
Èk nout ganblo plin n'rèv
Pou roul dosou zétwal
Aou fanm vavang
Nou sra konm dé pti marmay
Èk nout kér loséan
Pou nou filos lo tan