Letras
កម្មអ្វីខ្ញុំមិនច្រឡំហ្នឹងគេ
ក្រៀមក្រំព្រោះស្នេហ៍ យូរឆ្នាំយូរខែ ឃើញតែទុក្ខសោក
ពេលយប់ស្រមៃ ពេលថ្ងៃស្រណោះ
អារម្មណ៍តំណាងចិត្តស្មោះ
កញ្ជ្រោលហែលហោះទៅថ្នមជីវ៉ា
រៀមរស់ក្នុងន័យ ទ្រឹស្តីចាក់ស្មុគ
គេចពួនសុខសុខ ឱ្យរួចពីមុខ ផ្លែព្រួញទុក្ខា
គ្រាន់នឹងយល់សប្តិ ឆ្លើយតបតណ្ហា
ដែលធ្លាប់ប្តូរស្លាប់នឹងគ្នា
ឥឡូវរឹតតែខ្លោចផ្សាដួងចិត្ត
ព្រះសុមេរុភ្នំ សូមកុំរាំងផ្លូវ
បររាជរថទៅ កុំបង្អង់នៅ ណាព្រះអាទិត្យ
មច្ចុរាជកំសាក ម្តេចមិនកម្រិត
ខាបយកជីវិត កុំឱ្យដួងចិត្ត ខ្ញុំគ្រាំយូរពេក
ភ្នួងសក់សាងភ្នួស ទៅណាហើយម៉ុម
ស្នេហ៍រៀមក្រពុំ ពៀបសោកយំ ពុំចេញទឹកភ្នែក
គេចមិនផុតពី មារតាមមកជ្រែក
ទ្រាំរស់ទាំងទ្រូងស្ទើរបែក
សង្វេគជីវិត ឥតន័យស្នេហា
ភ្នួងសក់សាងភ្នួស ទៅណាហើយម៉ុម
ស្នេហ៍រៀមក្រពុំ ពៀបសោកយំ ពុំចេញទឹកភ្នែក
គេចមិនផុតពី មារតាមមកជ្រែក
ទ្រាំរស់ទាំងទ្រូងស្ទើរបែក
សង្វេគជីវិត ឥតន័យអឺស្នេហា