देश हीच माता | Jiwhala | Asha Bhosle Songs | Vivek | Jayshree Gadkar | Shrikant Moghe

देश हीच माता देश जन्मदाता

घडो देशसेवा ऐसी बुद्धी दे अनंता

देश हीच माता देश जन्मदाता

घडो देशसेवा ऐसी बुद्धी दे अनंता

देश हीच माता

धर्म पंथ नाही आम्हां जात गोत नाही

मुले माणसाची आम्ही वंश माणसाई

मनी आमुच्या ना काही न्यूनता अहंता

घडो देशसेवा ऐसी बुद्धी दे अनंता

देश हीच माता

खुली ज्ञान विज्ञानाची कलांची कवाडे

सुखे लाभ घेऊ त्यांचा शिकू रोज थोडे

उद्या उंच होऊ आम्ही धरू योग्य पंथा

घडो देशसेवा ऐसी बुद्धी दे अनंता

देश हीच माता

विस्मरू न आम्ही केव्हा ध्येय देशनिष्ठा

नव्या भारताला देऊ जगी या प्रतिष्ठा

सर्वसाक्षी सर्वागत तू आम्हां यशोदाता

घडो देशसेवा ऐसी बुद्धी दे अनंता