តែខ្នាញ់ស្រឡាញ់ថែម

តើអន់ចិត្តរឿងអ្វី អឺយ!

សូមប្រុសប្រណីប្រាប់ផង

ជួបពេលណាក៏បែរខ្នង

ខឹងនឹងអូនទេឬបង

អូនសែនសៅហ្មងអឺម៉្លេះទេ

ស្រឡាញ់បងខ្លាំងណាស់ អឺយ

តម្កល់ជាម្ចាស់ចិត្តស្នេហ៍

ចិត្តអូនស្មោះឥតប្រួលប្រែ

ធ្វើយ៉ាងណាក៏ព្រមដែរ

សូមឱ្យតែប្រុសអឺប្រណី

បងអើយបង

អូន ដូចជាមិនយល់សោះ

មិនដឹងជាហេតុអ្វី?

បានជាបង ចេះតែគេច

មុខពីអូនរាល់ថ្ងៃ

ឬបងអស់ចិត្ត?

លែងគិតអាណិតស្រី

បានជាស្ងៀមមិនស្ដីអឺ

គ្រប់អ្វីអ្វី អូនសូមចុះចាញ់

ខំអង្វរយូរហើយ អឺយ!

មិនឮចំលើយតបវិញ

តាមចិត្តខឹងចង់ស្ទុះចេញ

តែចិត្តមួយធ្វើអោយខ្នាញ់

ស្រឡាញ់ថែមមួយអឺជាបី

ឱ្យអង្វរដល់ណា អឺយ!

គួរតែមេត្តាដល់ស្រី

ម្ដេចក៏បងមិនចេញស្ដី

ពាក្យមួយម៉ាត់ថាប្រណី

គួរអីកំណាញ់អឺ ដល់ម្លឹង