Haub so tragisch

träumed vomene Läbe wie i The Fabolous Life

oder wänder broke sie und wie die Rapper im Ghetto wohne

Dänn gänd doch eus euches Sackgäld und de letschti Cholä

Sorry Giälä aber irgend einisch isch gnuä

Dir machät öiäs Gäut mit Liechä wie d'Afeni Shakur

Sorry Jungs aber öiä Style isch huärä truurig

Steit D&G eigäntläch für dumm und grusig?

Du bisch de Lil' Biggie und din Kolleg de 3Pac

Plus din chliine Brüeder wo jetzt huerä fetti Beats macht

Jetzt macheder die Schwiiz platt, de Cash wird grad iigsackt

Hey ich lach dänn spöter, wänni grad mal ziit han

Zuägäh s'wär mr scheissegau

Aber äs geit mr ufä Sack wie Myspace-Accounts

Nei Buäb, da'sch nid Compton sondern Lützufläh

Und äs nützt dr nüt wenn di so uffüärsch weisch

Du representisch dini City, aber wohnsch a de Dorfstrass

Zwar immer na Jungfrau, defür so tue wie Pornstars

Ihr wänd Hoes zum fickä, dope verticke für en tolle schlitte

Im Studio numä no voll am spittä und die Mics grad voll zerippä

Jungs dir lügät und das isch war

Und drum steu'i näch a Pranger wienä Marterpfau

Öiä scheiss isch ohnid Street- oder Gängster-Rap

wöu öi Lines si nid fies sondern lächerläch

Ohni din grimmige Blick wärsch na ganz sympathisch

gibs doch zue s'isch numä halb so tragisch

s'isch nur dini phantasie und kei Panzeragriff

gibs doch zue s'isch numä halb so tragisch

Ihr sind nöd Ghetto, nöd Stars, kei Gangschters, kei G's

Ihr händ kei besseri Bars und ihr länked kei Jeeps

Für fresheri Parts ja da dänkeds a mich

Und de Webba git Gas für die brännende Beats

Gigu was hä, Gigu hey, ihr übernämed wider s'Game

chömed eu vor wie de Lil Wayne

Sie säged die ganz ziit sie übernämed die ganz schwiiz

Jetzt fresh mit Crunk Beats aber sorry mich langwiilts

ab öiäm billigä Sound bechunt mä Bibblä am Füddlä

wöu dr immer meh versprächät aus öi Liäber erfüuä

Jungs euch fäut näbst dr Persönlächkeit än Arsch i dä Hosä

Euä scheiss isch durchschoubar wi Marschmusig losä

Wiit entfernt vo dicke Raps defür töne wie Diplomats

Keis wunder ghört eu keine, so wie Hidden Tracks

Ihr wänd lieber hüt als morn scho die dicke Checks

Aber s'gaht halt Nahdisnah wie bi Bligg'n'Lexx

Ja si si gfährläch lug wie si posä mit Chleidär

Wie Phantomschmärzä im Scheichä zum humplä verleitä

Macht mit Sunnäbrüuä im Club uf Gucci-Rapper

Ihri Frouä hei ihräs Hirn i ihräm Gucci-Täschli

Ich ha nüt gäge Gangsta Rap, nüt gäge Gangsta wo rapped

Aber öppis gäge söttig wo Gangsta sie wetted

Sind doch ehrlich ihr händ kei ahnig vo dem Strasseläbe

S'einzig woner villicht sind, isch bitzli vo dem Gras benäbled

Ohni din grimmige Blick wärsch na ganz sympathisch

gibs doch zue s'isch numä halb so tragisch

s'isch nur dini phantasie und kei Panzeragriff

gibs doch zue s'isch numä halb so tragisch