Текст песни
झाली पहाट झाली पहाट
झाली पहाट झाली पहाट
विरे काळोखाचा वेढा
चांद वळला वाकडा
वाजे राउळी चौघडा वाजे राउळी चौघडा
डुले दारीचा केवडा हो
डुले दारीचा केवडा
भवती जंगल दाट दाट
झाली पहाट झाली पहाट
साद घालितो कोंबडा
उठा नयन उघडा
पहा उजळल्या कडा पडे प्राजक्ताचा सडा हो
पडे प्राजक्ताचा सडा
खचली पाऊलवाट वाट वाट
झाली पहाट झाली पहाट
घरघर घरोघरी
सूर मंजुळ लहरी
तरंगत वाऱ्यावरी जाती पहिल्या प्रहरी
गाती सृष्टीचे भाट भाट
झाली पहाट झाली पहाट
हो हो जाता गुंजती गौळणी
हो हो मंद पैंजणपावलीं
कटि कुंभ आंदोलती कटि कुंभ आंदोलती
गानी गुंग भृंगावली
गानी गुंग भृंगावली
बोले पाणियाचा घाट घाट
झाली पहाट झाली पहाट
झोपडीत मायलेकी हो मायलेकी
हो हो हो झोपडीत मायलेकी
दळताती सासूसूना
तुझे पाऊल पड़ूं दे अंगणांत नारायणा
उजळीत पुढली वाट वाट
झाली पहाट झाली पहाट
झाली पहाट झाली पहाट