Текст песни
بعد ستة سنين ظلام وجيعة و انا نبكي عليك
شديت ستيلو و ورقة وجيت اليوم بش نحكي عليك
جيت اليوم شنفرغ قلبي و يزيني ما بكيت
كان جات دموعي تنفع نعدي عمري نبكي عليك
صاحبي انت في دار الحق وانا في دار الباطل
كي نتفكر موتك صدقني تقطعني سكاكن
كي نتفكر ضحكة وجهك نبطل معاش ناكل
بعد موتك صحبي صارولي برشا مشاكل
صارولي برشا مشاكل من الدنيا و الأصحاب
صدقني نهار اللي طاحت بيا حد ما دق الباب
مشا في بالي اللي دايرين بيا كلهم إرجال
لين جاني منهم كف و لزوني ندوان
اليوم نحكيلك خاطر نعرف اللي تسمع فيا
خلي الاحبار اترجم الغة اللي في عينيا
خلي قلبي إيفرغ خاطرو معبا موش شويا
مدام روحك الطاهرة صحبي تواسي فيا
اليوم الدنيا إخيابت صحبي ما عاد فما اصحاب
اليوم اللي ظنيتهم أصحابي بعدك قفلو الباب
اليوم اللي ظنيتهم احبابي رضيولي العذاب
الدنيا إظلامت في وجهي من الظلم وراسي شاب
حرقتني موتك و بقيت وحدي نقاسي في الدنيا
كان لحيوط تكالي و الاصحاب لنا عند الغنية
حرقتني موتك صحبي و هذا هو عذاب الدنيا
ان شاء الله المانع خير وان شاء الله صحبي في الجنة
وجيعة خبرك المرة الاولى خلت فيا اتراس
خلتني نمشي بروحي وحدي هايم في الكياس
خلتني ممحون ليالي بلاني بشرب الكاس
يا رب الناااس... مات الاحساس
وجيعة خبرك المرة الاولى خلت فيا اتراس
من غير الضحكة متاعك صحبي ماعش تحلى
انت مشيتلها صغير وانا صحبي بقيت في وحلة
ماصبها الثمرة تجي حتى كان كي غرسنا النخلة
ألف محنة و محنة صحبي الدنيا بعدك غابة
شطرها شقت البحور و شطرها تخدم عصابة
شطرها شادين القبور و شطرها بالإدمان مصابة
كان جا بإيديا نعيش في جبال الطور ولا في غابة
انت كنت تواسي وانت كنت معايا ديما
تو وليت نخاف حتى كيف نبوح بكليمة
زمان خوان اللي خلا ولاد نظاف تعيش يتيمة
واللي مخو حاكيلو راجل تحكم فيه بهيمة
اليوم عينيا تهز و تحط و نحكي مع الحيوط
خاطر اللي فبالو بروحو كبر علا علي بوه الصوت
اليوم الدنيا إخيابت صحه ليك ماكش موجود
بعد اللي الخو يداون خوه علي جال حيوط
اليوم برشا غدرة برشا ظلم و برشا معاصي
برشا فقر و برشا بطالة و كان ربي اللي يواسي