Sivashtakam

प्रभुं प्राणनाथं विभुं विश्वनाथं जगन्नाथ नाथं सदानन्द भाजम्

भवद्भव्य भूतेश्वरं भूतनाथं शिवं शंकरं शम्भु मीशानमीडे

गले रुण्डमालं तनौ सर्पजालं महाकाल कालं गणेशादि पालम्

जटाजूट गङ्गोत्तरङ्गैविशिष्यं शिवं शंकरं शम्भु मीशानमीडे

मुदामाकरं मण्डनं मण्डयन्तं महा मण्डलं भस्म भूषाधरन्तम्

अनादिं ह्यपारं महा मोहमारं शिवं शंकरं शम्भु मीशानमीडे

वटाधो निवासं महाट्टट्टहासं महापाप नाशं सदा सुप्रकाशम्

गिरीशं गणेशं सुरेशं महेशं शिवं शंकरं शम्भु मीशानमीडे

गिरीन्द्रात्मजा संगृहीतार्धदेहं गिरौ संस्थितं सर्वदापन्न गेहम्

परब्रह्म ब्रह्मादिभिर्वन्द्यमानं शिवं शंकरं शम्भु मीशानमीडे

कपालं त्रिशूलं कराभ्यां दधानं पदाम्भोज नम्राय कामं ददानम्

बलीवर्धयानं सुराणां प्रधानं शिवं शंकरं शम्भु मीशानमीडे

शरच्चन्द्र गात्रं गणानन्दपात्रं त्रिनेत्रं पवित्रं धनेश्यस्य मित्रम्

अपर्णा कलत्रं सदा सच्चरित्रं शिवं शंकरं शम्भु मीशानमीडे

हरं सर्पहारं चिता भूविहारं भवं वेदसारं सदा निर्विकारम्

श्मशाने वसन्तं मनोजं दहन्तं शिवं शंकरं शम्भु मीशानमीडे

स्वयं यः प्रभाते नरः शूलपाणे पठेत् स्तोत्ररत्नं त्विह प्राप्यरत्नम्

सुपुत्रं सधान्यं सुमित्रं कलत्रं विचित्रैः समाराध्य मोक्षं प्रयाति