عطر القصايد

يا سُموّ الطيبـه وعطر القصايد ... من سموّج قام يتسامى عِطِـرها

يا معاني باقيـه مـن روح زايد ... يا ضيـا لبلاد يا بهجة سِـفَرها

فاطمه واسمج سمى فوق النوايد ... مزنةٍ تسقي الإمارات بمطرها

والفخـر والمجـد لج تاج وقلايد ... من قديم الوقـت يتجـدّد أثـرُها

يالحنان اللي به تهـون الشدايد ... جنـةٍ للحـب نجني من ثمرها

وبوجودج صار خير الدار زايد ... لا خلـينا من وجودج يا ذخرها

طاب فال العيد لي باسمج يعايد ... يا امّنـا . وامّ الإمارات وفخرها

في حنايا القلب نفرش لج وسايد ... وان طلبتي العين نفديج بنظرها

سيرتك بالحب تاريخ . وعوايد ... سيرةٍ يصعب علـينا نختصرها

نبض قلب وحضن شعب وأمّ قايد ... تقعد الدنيا وتوقف لو أمرها