Текст песни
قاعد مستني عايش وبغني
وإنت الوحيد اللي هتفهمني
بنده والناس مش سمعاني
بتشقلب والناس مش شايفاني
من صغري بحاول أمشي دوغري
ما استسهلتش و طلعت كوبري
بس بلدنا مش عوزانا
و بتدينا على قفانا
السكة شمال واليمين
مش شغال على فين رايحين
السكة شمال واليمين
مش شغال على فين رايحين
أنا زيي زيك ملناش دور
كومبارس في مسرح مهجور
البطل فيه أبو دم ثقيل
وأنا وإنت واقفين طراطير
وكل حاجة ماشية عكس
من المرسيدس لحد التاكس
وكل خطوة معاها نحس
ليه بتربي فينا اليأس
السكة شمال واليمين
مش شغال على فين رايحين
السكة شمال واليمين
مش شغال على فين رايحين
أحلى ما فيكي راح ببلاش
وكلمة الحق ما تسواش
دفنتوا حق الجدعان
وقتلتوا كل الأحلام
والجرح مش عاوز يخف
ع المستشفيات عمال بيلف
ومنين يجيب حق العلاج
ما إنتم قفلتوا في وشه الباب
الورد اللي فتح الجاناين
دلوقتي أصبح حقه هاين
السكة شمال واليمين
مش شغال على فين رايحين
السكة شمال واليمين
مش شغال على فين رايحين