البوصلة ضاعت

البوصلة ضاعت في المحيط، رسمت الطريق من أول وجديد

التشابه بين الفجر وغروب الشمس بالنسبالي كان شيء غريب

حياة أو موت، زائد سالب

بين الإتنين أنتِ فـ عالم تالت

عمر طويل بس فـ ثانية خانك

لو رجعت بينا زي ما كانت

بصيت لفوق عملت فحص

موتت جوا نفسي كذا شخص

مفيش حد فينا مبيغلطش

أنا وضميري في مسابقة رقص

أنا بحاول أفتكر كل الليالي اللي ساحت في بعض

أيامها دنيتي كانت سهلة بس أنا اللي فضلت مصمم عـ الصعب

بحر كبير، مش عامل صوت

نور القمر سايح على الموج

بنموت من الخوف، بنخاف من الموت

كلها شوية ونطلع على فوق

ده اللي عندي، ده اللي عندي

ناس كتيرة مبقيتش جنبي

هما المفروض كانوا يشيلوا عني

مبينلهم إن الدنيا بمبي

عايزين يقروني زي الكتاب

فا إديت لنفسي شوية تعليمات

وش بدون أي تعبيرات

مطبات، ملفات

الناس دي عاملة زي البلالين

حابس جوا نفسي مساجين

وسط الزحمة نسيتلك أنا مين

حاسس إني لوحدي وسط الملايين

ملامحي اختفت، مخي ابتدى يسيح

والبطاقة طارت مع الريح

مفيش مستقبل، مفيش تاريخ

في دلوقتي، عايز أعيش

عايز أعيد، عايز أتحول

بقولها كتير وبتتفوت

عايز أحس إن في شخص اتكون

عايز ألعبها تاني من الأول

مصيبة لو فضلنا زي ما احنا

قضينا وقت طويل ليلاتي بنحرق

بدأت أتغير وأنا فـ نص الرحلة

فهمت نفسي وأنا فـ قلب الوحدة

بنيت لنفسي مرايا جديدة

شمس بعد ليلة طويلة

جهزت وطلعت عـ السفينة

بس الدنيا دي غريبة

أصل البوصلة ضاعت في المحيط، رسمت الطريق من أول وجديد

التشابه بين الفجر وغروب الشمس بالنسبالي كان شيء غريب

حياة أو موت، زائد سالب

بين الإتنين أنتِ فـ عالم تالت

عمر طويل، بس فـ ثانية خانك

لو رجعت بينا زي ما كانت

بصيت لفوق عملت فحص

موتت جوا نفسي كذا شخص

مفيش حد فينا مبيغلطش

أنا وضميري في مسابقة رقص

أنا بحاول أفتكر كل الليالي اللي ساحت في بعض