Текст песни
راحوا وإحنا لسه ما قولناش راحوا
قولنا راحوا عشان يرتاحوا قولنا كده علشان نرتاح
وراحوا بس بعد ما بعدوا وراحوا
قام علينا الشوق بجراحه يملى باقي العمر جراح
ويا عيني، يا عيني علينا عاملين قال يعني نسينا
خايفين لأحسن نتلام
ويا عيني، يا عيني علينا لما بنبقى لوحدينا
حالنا يبكي الأيام
راحوا قالوا مش هيروحوا وراحوا
واللي تاعبنا إزاي يرتاحوا وما رجعوش ولا جالهم شوق
وياما قولنا زي ما قالوا هننسى رغم إننا عمرنا ما بننسى
من عتاب نفسنا بنفوق
ويا عيني، يا عيني علينا عاملين قال يعني نسينا
خايفين لأحسن نتلام
ويا عيني، يا عيني علينا لما بنبقى لوحدينا
حالنا يبكي الأيام