Текст песни
كان ليا ناس من قلبي كانوا قُريِّبين
على راحتي وياهم قوي وحنيِّنين
كنا بنوحش بعض مش لو فات يومين
لو فات على بعادنا يادوب حَبة ساعات
أيام جميلة خدوها وياهم وراحوا
أيام طويلة وقلبي مستحمل جراحه
لكن يا قلبي لو صحيح مِش موجودين
ربنا موجود وعنده تَعزيات
بيمد إيده يشيل دموع المجروحين
ويمد جِسر الفَرح للقلب الحزين
بيه هاكتفي ده حبيب وَفي وصديق أمين
وهو هيعوَّضني عن كل اللي فات
أيام جميلة خدوها وياهم وراحوا
أيام طويلة وقلبي مستحمل جراحه
لكن يا قلبي لو صحيح مِش موجودين
ربنا موجود وعنده تَعزيات
وانت ماسكني يا رب من إيدي اليمين
يا رب وانت معايا أنا هاحتاج لمين!
تهرب هموم قلبي وأتعاب السنين
أوِّل ماباجي جوه في سترك وابات