Текст песни
تعبت كتير بهالعمر ما عاد حس اني انتمي
بلم فلوسي لاجمع مهر، حب بدايته ينتهي
خسة زرعتها بايدي و ما عادت الي
بين القلب و حكمة عقلي، هون خيطي بيلتوي
بكزّ ضراسي لما نام، عَكثر الرَّص تمّي دِمي
لساعتها روحي بالشام، من دمعة بيّي بترتوي
شفتها عخده ثلالث مرات
غربه قسى
و موت هَلي
و ثالث مرة عصدى فراق
توأم روح من بيت علي
جرحي ما شفي
شكلي حضلّني ماشي فيه
فش شفيع الا الوقت
مافي شي بضل نَشي
بصبري فيّي انا اكتفي
ومن كتفي استَحلي و اقطفي
فتشي فيني وانبشي
جواتي طفلي ما غفي
Sodade
Sodade
Sodade
يوما عن يوم. بوسِّع صدري لابلع خير
بيطار، العاني، و الريماوي كانو يقولوا عبكرا غير
يما الهواء رماني عبلاد
ربها عتم وغيم
ربها عتم و غيم
و كلها كلها العيشة هيك
بايخة
والشلة كلها سايحة
تخدير عالعلن و بالشوارع قيمة النية ضايعة
بتقضي عمرك تبني جسور و مافي منها فائدة
لومك مو عولاد العز، اللوم؟
عولاد العايبة
هنه مين؟
قرطة بيض
ريحة جهلهن فايحة
افهمني منيح
القصة مو كره
هي تجارب صايرة
و لانا ما كتبنا عنها
تشردوا الأحباب
فقلمي لما يفضى، بضل برجّه ليطلع منه كتاب
يطلع مني كتاب
كل مين قرأ صفحة صف، سجد، و لالله تاب
يذكره
انو بدنيا مالك فيها الا الداء
دواءها فيك
جِدّ و سلّم امرك للوهاب