Текст песни
Ipukkawmo, 'ingga't bantay, kadaratan
Baybay, katalonan, umaw-aweng 'ingga't tangatang
Ditoy amianan, daga a nakayanakam
Nagtaudan natan-ok a puli
Sirib ken talugading, inka pagsadagan
Nasantoan a daga, minulaam
Ayat, pigsa a ti puunam
Ni init ken bulan a mangtarabay
Gaget, pigsa a 'di pulos matunday
Ipukkawmo, 'ingga't bantay, kadaratan
Baybay, katalonan, umaw-aweng 'ingga't tangatang
Umaykan, intay' pasingkedan ti kinatan-ok ni Ilocano
Kabsat, intay' pasingkedan ti kinatan-ok ni Ilocano
Agramrambaktayo, manipod amianan 'ingga't abagatan
'Maykan kabsat intay' itag-ay
Tan-ok ni Ilocano! Tan-ok ni Ilocano
Nilasatmo't nalawa a taaw
Sinarakmo't gasat para ti annak
'Di marukod, sakripsiyom ken rigat
Sagotmo't ili a nakayanakam
Ipukkawmo, 'ingga't bantay, kadaratan
Baybay, katalonan, umaw-aweng 'ingga't tangatang
Umaykan, intay' pasingkedan ti kinatan-ok ni Ilocano
Kabsat, intay' pasingkedan ti kinatan-ok ni Ilocano
Agramrambaktayo, manipod amianan 'ingga't abagatan
'Maykan kabsat intay' itag-ay
Tan-ok ni Ilocano! Tan-ok ni Ilocano
Sinuboknaka't panawen, naikuspil dayaw ken nakem
Ngem gapo't tured ken pammati, nakatakderka a natakneng
Daytoy ti panawenmo, Ilocos Norte
Daytoy ti panawenmo, Ilocos Norte
Umaykan, intay' pasingkedan ti kinatan-ok ni Ilocano
Kabsat, intay' pasingkedan kinatan-ok ni Ilocano
Agramrambaktayo, manipod amianan 'ingga't abagatan
'Maykan kabsat intay' itag-ay
Tan-ok ni Ilocano! Tan-ok ni Ilocano