Schlaf Chindli, schlaf

Schlaf, Chindli, schlaf

U bis nid immer brav

Säg nid zu aûem Ja drzue

Drėssierti Rössli git s scho gnue

Mängisch schwümsch im Schtroom drgäge

S isch bėsser, aûs Ja und Amen z säge

Schlaf

U bis nid immer brav

Schlaf, Chindli, schlaf

Bis muetig u nid brav

Gly muesch lėėre säûber louffe

Mit Blätzen am Chnöi muesch s tüür erchouffe

Doch wär sech nid cha dürebysse

Wirt o nie kė Schtrick verrysse

Schlaf

Bis muetig u nid braav

Schlaf, Chindli, schlaf

Bis fröhlech u nid brav

Luschtig sy u Schtrėich uushėcke

Am Unggle Max dr Schnaps verschtėcke

S isch mer lieber, du chönsch lache

Aûs wüstisch tuusig gschidi Sache

Schlaf

Bis fröhlech u nid brav

Schlaf, Chindli, schlaf

Nėi, ds Läben isch kė Schtraaf

Es isch es Gschänk, doch muesch de lėėre:

O für Gschänk muesch di mängisch wėėre

D Wäût, di isch e Bluemeschtruuss

U du bisch ds chlinschte Blüemli druus

Schlaf

U bis nid immer brav