Текст песни
ആര്ദ്രമീ ധനുമാസരാവിലൊന്നില്
ആതിരവരും പോകു മല്ലേ സഖീ
ആര്ദ്രമീ ധനുമാസരാവിലൊന്നില്
ആതിരവരും പോകു മല്ലേ സഖീ
ഞാനീ ജനലഴിപിടിച്ചൊട്ടു നില്ക്കട്ടെ
നീയെ ന്നണിയത്തുതന്നെ നില്ക്കൂ
ഇപ്പഴങ്കൂടൊരു ചുമയ്ക്കടിയിടറിവീഴാം
വ്രണിതമാം കണ്ഠത്തിലിന്നു നോവിത്തിരിക്കുറവുണ്ട്
വളരെനാള്കൂടി നേരിയ നിലാവിന്റെ
പിന്നിലെയനന്തതയിലലിയുമിരുള് നീലിമയില്
എന്നോ പഴകിയൊരോര്മ്മകള് മാതിരി
നിന്നുവിറയ്ക്കുമീയേകാന്ത താരകളെ
ഞാനൊന്നു കാണട്ടെ നീ തൊട്ടു നില്ക്കൂ
ആതിരവരുന്നേരമൊരുമിച്ചുകൈകള്കോര്
ത്തെതിരേല്ക്കണം നമുക്കിക്കുറി
ആതിരവരുന്നേരമൊരുമിച്ചുകൈകള്കോര്
ത്തെതിരേല്ക്കണം നമുക്കിക്കുറി
വരുംകൊല്ലമാരെന്നു മെന്തെന്നുമാര്ക്കറിയാം
ആതിരവരുന്നേരമൊരുമിച്ചുകൈകള്കോര്
ത്തെതിരേല്ക്കണം നമുക്കിക്കുറി
വരുംകൊല്ലമാരെന്നു മെന്തെന്നുമാര്ക്കറിയാം
എന്തു നിന് മിഴിയിണ തുളുമ്പിയെന്നോ സഖീ
ചന്തം നിറയ്ക്കുകീ ശിഷ്ടദിനങ്ങളില്
മിഴിനീര്ച്ചവര്പ്പുപെടാതീ മധുപാത്രമടിയോളം മോന്തുക
നേര്ത്ത നിലാവിന്റെയടിയില് തെളിയുമിരുള് നോക്കു
കിരുളിന്റെയറകളിലെയോര്മ്മകളെടക്കുക
ഇവിടെയെന്തോര്മ്മകളെന്നോ
നെറുകയിലിരുട്ടേന്തിപ്പാറാവു നില്ക്കുമീ
തെരുവുവിളക്കുകള്ക്കപ്പുറം
ബധിരമാം ബോധത്തിനപ്പുറം
ഓര്മ്മകളൊന്നുമില്ലെന്നോ ഒന്നുമില്ലെന്നോ
പലനിറം കാച്ചിയവളകളണിഞ്ഞുമഴിച്ചും
പലമുഖംകൊണ്ടു നാം തമ്മിലെതിരേറ്റും
പലനിറം കാച്ചിയവളകളണിഞ്ഞുമഴിച്ചും
പലമുഖംകൊണ്ടു നാം തമ്മിലെതിരേറ്റും
നൊന്തും പരസ്പരം നോവിച്ചും മൂപതി
റ്റാണ്ടുകള് നീണ്ടൊരീയറിയാത്തവഴികളില്
എത്ര കൊഴുത്ത ചവര്പ്പു കുടിച്ചുവറ്റിച്ചു നാം
ഇത്തിരി ശാന്തിതന് ശര്ക്കര നുണയുവാന്
ഓര്മ്മകളുണ്ടായിരിക്കണം ഒക്കെയും
വഴിയോരക്കാഴ്ച്ചകളായ് പിറകിലേയ്ക്കോടി മറഞ്ഞിരിക്കാം
പാതിയിലേറെക്കടന്നുവല്ലോ വഴി
പാതിയിലേറെക്കടന്നുവല്ലോ വഴി
ഏതോ പുഴയുടെ കളകളത്തില്
ഏതോ മലമുടിപ്പോക്കുവെയിലില്
ഏതോ നിശീഥത്തിന് തേക്കുപാട്ടില്
ഏതോ വിജനമാം വഴിവക്കില് നിഴലുകള്
നീങ്ങുമൊരു താന്തമാ മന്തിയില്
പടവുകളായ് കിഴക്കേറിയുയര്ന്നുപോയ്
കടുനീല വിണ്ണിലലിഞ്ഞുപോം മലകളില്