Текст песни
خالتي أم حسين قلت لي بطاطس وبدنجان
وبصت لي وقال لي: اللي بيحصل ده جنان
ودي كلمة لازم نلغيها
"مسلم ومسيحي.. مسيحي ومسلم"
فيها إيه لو اصَلِّي الجُمعة.. وانت تصلي القداس
يا نهار شمسه مِش طالعة.. بيفَرَّقوا بين الناس
جِبَّة وقُفطان أو طرحة.. أو تونية وفَرَّاجية
مالك انت أمسك سِبحة.. أو ادُق صليب فـ إيديا
ودي كلمة لازم نلغيها
"مسلم ومسيحي.. مسيحي ومسلم"
الدين لله يا آبو مِنَّة.. هو وحده يحاسبنا
واللي بيوقَّع بيننا.. لو نِفضل سوا هيسيبنا
جارك فـ الضيق تلاقيه.. فـ المِحنة يبانلك فَضلُه
واللي يوِزَّك تعاديه.. تحلق له وتنَفَّض له
ودي كلمة لازم نلغيها
"مسلم ومسيحي.. مسيحي ومسلم"
مين قال هتخالف دينك.. لو عَيِّدت على جيرانك
طب هات كده عيني فـ عينك.. رَكِّز فَتَّح لي ودانك
احنا زيتنا فـ دقيقتنا.. احنا روحين فـ جسد واحد
احنا من الفتنة زهقنا.. وكفاية ربنا واحد
ودي كلمة لازم نلغيها
"مسلم ومسيحي.. مسيحي ومسلم"
لو مَسيحي.. بني آدم.. لو مُسلم برضو كذلك
أنا وانت ضيوف فـ العالَم.. والخالق وحده المالك
روح هات ورقة واتملَّى.. واكتب كلمة وذاكرها
لو شاء ربك كان خلَّى.. أُمَّة واحدة مفيش غيرها
ودي كلمة لازم نلغيها
"مسلم ومسيحي.. مسيحي ومسلم"