Текст песни
Häugäub ds Liecht uf em Waisehuusplatz
Me chönnt meine 's brönn nume für di
D Cherze erlosche u gschänkt wird eim nüt
Heiligaabe isch glii scho verbii
Wed jitz würdisch gheie
Du chämsch nümm uf d Bei
So mueterseelallei
Über dr Stadt ligt so ne schäbige Schimmer
Schöni Wiehnacht, du fääusch mir no immer
Gang zrügg i Schtau vo Bethlehem
I zwöit Stock vo däm hööche Huus
Zu diim Hamschter wo im Rad düreträit
Nid numen är chunnt hie nümme druus
D Wäut geit nid unger
Wüu d Ziit blybt stah
& wird chuum wiitergah
Houptsach 's wird nid no viu schlimmer
Schöni Wiehnacht, du fääusch mir no immer
Weisch no wie wou u wie warm 's dir isch gsi
Aus Bueb, unbeschadet & chlii
Überau so viu Glitter & Glimmer
Schöni Wiehnacht, du fääusch mir no immer
Japanischi Outo ruusche verbii
Über nasse Asphalt
& d Heilsarmee schpiut im Quartier
Ds Morgeliecht schiint dür ne Spaut
I diim Chopf isch es Gnuusch
Wär weiss was geschter isch gsi
Mit dim Härz, zwöi Nummero z chlii
Du erwachisch allei i diim Zimmer
Schöni Wiehnacht, du fääusch mir no immer
Schöni Wiehnacht, du fääusch mir no immer