Текст песни
Se partiva soto al baracòn coda kilometrica
Ghe voe tanta pasiensa ma anca tanta etica
Mi no so na siensa, no serve un'indovina
Ma el folpeto in sagra costa come a cocaina
Pista da bàeo, ormai i xe veci in sagra
Caréga e aqua gasá portà da casa
Eora uncò dal liscio se passa ai grupi cover
Canbia i sonadori ma resta senpre e noze
E dopo sempre sta che in sagra xe na gara
E tacà d'istá se sta fora fin che i sara
Majeta smanicata e braga lunga ciàra
Ghe xe i veci col Viagra e i tosi sensa para
I tosati xe ingeai co e Silver come scarpe
Punta al premio anbito, el record su e gabie
Te dizi tradission ma no te credo miga
Perché se sa in sagra te ve soeo pa a figa
Tuti quanti in sagra sora i autoscontri
Se no te ghe getoni ti no te monti
Ma te voi fare el figo co a toseta
Se te i conossi i te da a ciavéta
Taga taga taga taga tagadá × 4
Fora casa presto, fresco de docia
Eà prima che cato la ciucio come na canocia
Parchejo el motorin in patronato e parto
Go cussì tanta voja che ri-scio un infarto
In coa al baracon te ghe da tore el numaro
Carburo al voeo con na fritoea col sùcaro
Metà lavoro fato co na carta da mie
Me ciavo naltra onbra, onbra del canpanie
Gabie, autopiste, passesco
Spusso xa de pi dei sandai de un tedesco
Tagadà, vara che tete quea là
Cossa sucedarà se no eà resta sentà
Mi gnanca spetenà, beo duro
Cossì tanto gel na testada e spaco el muro
Tre de note sensa fòrse, ciao fioi
No go gnanca monea pa na partia de Arkanoid
Tuti quanti in sagra sora i autoscontri
Se no te ghe getoni ti no te monti
Ma te voi fare el figo co a toseta
Se te i conossi i te da a ciavéta
Taga taga taga taga tagadá × 4
Festa dea Madonna, festa del rosario
Xa da bocia me segnavo sul diario
Sercavo na bea dona de quee da caendario
Ma finivo senpre a bere come un dromedario
Come xe che te stè? Mi so qua dae tre
Go i cojoni flambè, me fa mae i piè
No te ve, no te vedo da un toco
Sicuramente se ribecarémo al Soco
Co se parla de graspete mi ragiono in metri
Operai in paradiso come Elio Petri
Personagi tetri tuti destirai
No te vedo mia ben: Vecio come stai?
Barachin fisso in parte dea strada
Pi che un panin mi me pare na ciavàda
Va ben che xe sagra, va ben che xe festa
Ma a mi me costa tuto un ocio dea testa
Tuti quanti in sagra sora i autoscontri
Se no te ghe getoni ti no te monti
Ma te voi fare el figo co a toseta
Se te i conossi i te da a ciavéta
Taga taga taga taga tagadá × 4