Odenda Odenda

ഓടേണ്ട ഓടേണ്ട ഓടി തളരേണ്ടാ

ഓമന പൂമുഖം വാടിടേണ്ടാ

ഓമന പൂമുഖം വാടാതെ സൂക്ഷിച്ചാൽ

ഓമന ചുണ്ടത്തൊരുമ്മ നൽകാം

ടാറിട്ട റോഡാണ് റോഡിനരികാണ്

വീടിന്നടയാളം ശീമകൊന്നാ

പച്ചരി ചോറുണ്ട് പച്ചമീൻ ചാറുണ്ട്

ഉച്ചക്ക് ഉണ്ണാനായ് വന്നോളുട്ടോ

പുഞ്ച വരമ്പത്തു പാമ്പിൻ്റെ പൊത്തുണ്ടു

സൂക്ഷിച്ചു വന്നോളൂ പൊന്നു ചേട്ടാ

ഒരുകുപ്പി മണ്ണെണ്ണ കത്തി തീരും വരെ

പണ്ടാറ തള്ളക്കുറക്കമില്ല

ടാറിട്ട റോഡാണ് റോഡിനരികാണ്

വീടിന്നടയാളം ശീമകൊന്നാ

ആയിരം കൊമ്പുള്ള ചെമ്പക ചോട്ടില്

ഒറ്റക്കിരുന്നു ഞാനോർത്തു പാടും

ഓടേണ്ട ഓടേണ്ട ഓടി തളരേണ്ടാ

ഓമന പൂമുഖം വാടിടേണ്ടാ

ഓമന പൂമുഖം വാടാതെ സൂക്ഷിച്ചാൽ

ഓമന ചുണ്ടത്തൊരുമ്മ നൽകാം

ലാലാലാലാലാ ലാലാലാലാലാ

ലാലാലാലാലാലാലാലാ

ഉം ഉം

ചെമ്പക ചോട്ടിലിരുന്നെന്തിനോർക്കുന്നു

വീട്ടിലേക്കുള്ള വഴി മറന്നോ

വാടിയ പൂ ചൂടിയാലും ചൂടിയ പൂ ചൂടിയാലും

ചേട്ടനെ ഞാനെന്നും കാത്തിരിക്കും

ആരോക്കെതിർത്താലും എന്തു പറഞ്ഞാലും

ചേട്ടനില്ലാത്തൊരു ലോകമില്ല

എന്നും ഉറക്കത്തിൽ ചേട്ടനെ കണ്ടു ഞാൻ

ഞെട്ടിയുണർന്നു കരച്ചില്ലല്ലേ

ഉരലു വിഴുങ്ങുമ്പോൾ വിരലു മറയുന്നു

പലതും പറഞ്ഞു നീ കേട്ടിട്ടിലേ

ചാലക്കുടി പുഴ നീന്തി കടന്നാലും

അന്തിക്ക് മുൻപ് ഞാനെത്താം പൊന്നെ

മേലൂര് കേറ്റം ഞാൻ മുട്ടുത്തി കേറിയാലും

നേരമിരുട്ടിയാലും എത്താം പൊന്നെ

കാണാത്തതല്ലലോ ആക്രാന്തം വേണ്ടെന്ന്

ആയിരം വട്ടം പറഞ്ഞില്ലേ ഞാൻ

ഓടേണ്ട ഓടേണ്ട ഓടി തളരേണ്ടാ

ഓമന പൂമുഖം വാടിടേണ്ടാ

ഓമന പൂമുഖം വാടാതെ സൂക്ഷിച്ചാൽ

ഓമന ചുണ്ടത്തൊരുമ്മ നൽകാം