Текст песни
INTRO
Big up every block, every ends, every corner
Whether you sip your liquor or smoke your marijuana
Cut off navel string ya so like say mi born ya
Man a Jamaican a no Californian
CHORUS
A no straight outta Compton
Straight outta Portmore
Welcome to the Sunshine City,
from Waterford to Greater Portmore
Rep weh yuh from (x2)
Bridgeport, Bayside, Naggos Head, Cumberland
Rep weh yuh from (x2)
South Boro, Hellshire, Gregory Park, Newland
VERSE I
Portmore a mi place and a deh mi say
That a from in a the 80’s a no yesterday
Even if you see mi move mi a tell you say
That a mi yard, a mi home, yea a deh mi say
Unu fi listen the words wha the boss say
Mi deh ya from before the toll when it was Causeway
Big up Dr Dre, NWA, LA
This a Bay-C, mi rep TOK, JA
CHORUS
VERSE II
Before Club V and Famous
It was only Extremes and Cactus
Portmore Community College that was mi campus
Deh so mi build mi skill until Bay-C the don bus
The home of Jamworld whe a keep Sting
Lime Skool Aid and all of these things
Suncity have the tune them beating
Every night a dance keeping
It aint Nutten but a G Thang
CHORUS
VERSE III
Yes Iyah, mi rep fi Hellshire
A we govern the place entire
From Prendy’s to Igloo to Chug It, no party expire
When we step in the place ketch a fire
Talk bout gal we have a stack load
Think a lie check Back road
Fort augusta up a top road
Gal them with the bad code
Plus big up the thugs then when nuh fraid fi step out and block road
CHORUS
OUTRO
So mi a say big up to all the greats who put Portmore on the map
From Border Clash to the return of Sunsplash, oh gosh!
So mi a say big up Cobra, Buccaneer, Louie Culture, Frisco Kid
Vybz Kartel, I Wayne, T.O.K and so many more
Bay-C,
I’m out