Aan 't Water

Aan 't water is ut sjtil

Want doe wjèrs gein luuj die kalle

Allein wèndj in dien gezich

En get blájer die éns valle

Aan 't water is de rös

Dae se nùrges mjè kèns vènje

Kumse ummer weer veur trök

Òm ut aan dich vas te bènje

Aan 't water

Aan 't water

Op 't water sjient de glitter

Van de zòn die d'r euver sjittert

En doe wils ut gaer beware

Dus doe bliefs nog effe sjtare

Weg van alles, éderein

Sjtruimt ut water wie 'ne trein

Numt dich mit noa nuuje kanse

Kiek die sjittering èns danse

Op 't water

Op 't water

Aan 't water sjtoan de buim

Ònvèrzèttelik al joare

In dae roewe kauwe gròndj

Dit is wo ich bèn geboare

Kiek ich noa de euverkèntj

Is ut graas doa ech neet greuner

Kèn ich mich in mien hènj vrieve

Wil ich hie nog effe blieve

Ich kiek noa de euverkènjt

Is ut graag doa ech neet greuner

Kèn ich mich in mien hènj vrieve

Ich wil hie nog effe blieve

Aan 't water

Aan 't water

Aan 't water