Paanju Paanju - Aggressive Trap

ആരാണ്ടെട നീയിന്നെട കോറോത്തെ രവീ

നാടിന്നും വീടിന്നും അധികപ്പറ്റോ

മണ്ണെല്ലാം ആരാരുടെ മണ്ടച്ചാരേ

സ്വന്തം തല സ്വന്തം കാൽ കത്തും മരമേ

നീ അകമേ നീറി നീറിപ്പുകയ്തീച്ചുടലയാള്

പൊള്ളത്തടിമേൽ

വിറക് നീ കാട് വസന്തർത്തു നീ

ശരം വില്ല് കാട്ടാളനുമേ ക്രൗഞ്ചവുമേ

കോറോത്തെ രവീ മാളത്തിലെലീ

പാമ്പു ഫണം നീർത്തുന്നതു കാണുന്നില്ലേ

കൈക്കോട്ടെടെടാ തടമെടുക്കെടാ

അകമടിച്ചു പുറമടിച്ചു വെടിപ്പാക്കെടാ

ആരാൻ്റെ മലമ്പള്ളേ പൊന്തുന്നോറേ

വെയിലേറുന്നുണ്ടപ്പ നീറുന്നുണ്ടപ്പ

ഊരോ പൊള്ളണപ്പാ

കീഴോര കണ്ടത്തില് കള്ളം കൊയ്യുന്നോറേ

തീ പാറുന്നുണ്ടപ്പ കണ്ണീന്നാന്നപ്പ ഉള്ളം വേവുന്നപ്പാ

ഒലികളുറവെടുക്കും മലമേലേ മഴമുകിലുമാല

ചെരുവിലെ നനവിലചെടി തരുവ് ഹരിതമാർന്ന മേട്

അവിടെ നിറയെ നുരയും മീൻ ആമ പന്നി പക്ഷി

ജന്തുക്കളെ സ്വന്തം ഉയിർ ബന്ധുക്കളെ മാലോകരെ

ഉടലുചിറകു സകലമൊന്നോടരിഞ്ഞിട്ടതും

കരകടൽകുരൽ സഹിതമാർത്ത്യാൽ ഭക്ഷിച്ചതും

ചുടുനിണച്ചായായായായായായേ

തന്തതായമാരേ ചോര മണ്ണു ചോര പുണ്ണു ചോര

ഇതൊരു ആഹ്വാനമാണ് നാട്ടുവാസികളെ

പ്രകൃതി കാലാവസ്ഥ ക്ഷേമരാഷ്ട്രം

താങ്ങുവില തറവില തേങ്ങ മാങ്ങ

വാഴ കോഴ പല പല ആട്ടിന്തോലിട്ടു

വരും ചെന്നായ്ക്കൾ കള്ള കാട്ടുപന്നികൾ

രാജ്യദ്രോഹികൾ,ഒരുത്തനേയും ഈ

വേലിക്കിപ്പുറം കാലു കുത്താൻ നമ്മളനുവദിക്കില്ല

നീയല്ലോ തീ കടയുമരിയ പറവ

ഉള്ളുനൊന്തുണർന്നൊരോർമ്മ

കുതിയുമരിയ പറവ കാലുവെന്തു പായുമോർമ്മ

പുതിയ ചിറകിനുറവ കാറ്റെഴും കിനാവറ

മഴയിലും വെറിയിലും മലയിടിഞ്ഞ പിരാന്തിലും

അറിയണമവർ പണിത ഗോപുരങ്ങൾ

പൊയ്യ് പൊയ്യ്

അറിയണമവർ തെരുവിലലറുമറിവ് പൊയ്യ് പൊയ്യ്

പ്രകൃതി പകരുമലിവ് മാത്രമേ പൊരുള് പൊരുള്

അരക്കില്ലമേ പോ പോ പോ പോ പോയ് തുലയ് പോയ്