Kalli Poonkuyile

കള്ളിപ്പൂങ്കുയിലേ കന്നിത്തേന്മൊഴിയിൽ

കാതിൽ മെല്ലെ ചൊല്ലുമോ

കള്ളിപ്പൂങ്കുയിലേ കന്നിത്തേന്മൊഴിയിൽ

കാതിൽ മെല്ലെ ചൊല്ലുമോ

കാവതിക്കാക്ക തൻ കൂട്ടിൽ

മുട്ടയിട്ടന്നൊരുനാൾ

കാനനം നീളെ നീ പാറിപ്പറന്നോരു

കള്ളം പറഞ്ഞതെന്തേ

കള്ളിപ്പൂങ്കുയിലേ കന്നിത്തേന്മൊഴിയിൽ

കാതിൽ മെല്ലെ ചൊല്ലുമോ

മിന്നാരപ്പൊൻ‌കൂട്ടിൽ മിന്നുമാ പൊന്മുട്ട

കാകൻ്റെയെന്നു ചൊല്ലി

നിന്നെപ്പോലെ കാറ്റുമതേറ്റുചൊല്ലീ

നേരു പറഞ്ഞിട്ടും നെഞ്ഞു തുറന്നിട്ടും

കൂട്ടരും കൈവെടിഞ്ഞു

പിന്നെ പാവം കൂട്ടിൽ തളർന്നിരുന്നു

ആരാരോ ദൂരത്താരാരോ

ആലിൻ കൊമ്പത്തോരോലക്കൂട്ടിൽ

നിന്നാലോലം പുഞ്ചിരിച്ചു

കള്ളിപ്പൂങ്കുയിലേ കന്നിത്തേന്മൊഴിയിൽ

കാതിൽ മെല്ലെ ചൊല്ലുമോ

ഊരാകെ തെണ്ടുന്നോരമ്പലപ്രാവുകൾ

നാടാകെപ്പാടിയപ്പോൾ

കള്ളക്കഥ കാട്ടുതീയായ് പടർന്നു

കാകനെ സ്നേഹിച്ച കാവളം പെൺ‌കിളി

കഥയറിയാതെ നിന്നു

പിന്നെ പിന്നെ കാതരയായ് കരഞ്ഞു

ആലോലം നീല പൂങ്കാവിൽ

നീ നിൻ പുള്ളിത്തൂവൽ ചിക്കി

ചിഞ്ചില്ലം പുഞ്ചിരിച്ചു

കള്ളിപ്പൂങ്കുയിലേ കന്നിത്തേന്മൊഴിയിൽ

കാതിൽ മെല്ലെ ചൊല്ലുമോ

കാവതിക്കാക്ക തൻ കൂട്ടിൽ

മുട്ടയിട്ടന്നൊരുനാൾ

കാനനം നീളെ നീ പാറിപ്പറന്നോരു

കള്ളം പറഞ്ഞതെന്തേ

കള്ളിപ്പൂങ്കുയിലേ കന്നിത്തേന്മൊഴിയിൽ

കാതിൽ മെല്ലെ ചൊല്ലുമോ