Текст пісні
Ùn puderaghju cullà
Dumane à lu tribbiolu
Incù li mio amichi à la caccia
Perchè lu mio core hè in dolu
Diana ùn ci sarà più
È mi senteraghju solu
Diana ùn ci sarà più
È mi senteraghju solu
Quandu elli l'ampareranu
Sta dumenica matina
I cumpagni cacciadori
Sta nutizia ghjalatina
Ch'ella si n'hè morta Diana
Di le cuchje la regina
Ch'ella si n'hè morta Diana
Di le cuchje la regina
N'hà cacciatu tanti è tanti
Cignali di la vadiola
In vestita o puru in corsa
Ne paria una viola
Ella era sempre la prima
A mio cuchja pediola
Ella era sempre la prima
A mio cuchja pediola
Oramai sò finite
E battute per Traghjettone
Ùn le senteremu più
E mosse da lu puntone
Di le to corse o Diana
Si ne parlava in cantone
Di le to corse o Diana
Si ne parlava in cantone
Avà ponu stà sicuri
I cignali in Garganera
È puderaghju rientre
Più di bon'ora la sera
Diana ùn ci più
Ùn mi pare mancu vera
Diana ùn ci più
Ùn mi pare mancu vera
L'aghju vulsuta interrà
In piazza di la funtana
Vicinu à la so casetta
Bella sposta à la sulana
Per arricurdacci sempre
Di lu to nome Diana
Per arricurdacci sempre
Di lu to nome Diana