Che T'aggia Dì

Stasera nun m'hai ditto 'na parola

È overo ca te si' scurdata 'e me?

P'a strada tu cammine sola sola

E i' vèngo comm'a n'ombra appriesso a te

Che t'aggia dì

Si n'ato ammore dint'a st'uocchie tiene?

Che t'aggia dì

Si nun mme pienze e nun mme vuó' cchiù bene?

Che t'aggia dì

'O mmale ca mme faje

Tu stessa nun 'o ssaje

Ma 'o ssape chistu core

Ca more senza 'e te

'O primmo suonno, che malincunia

Stu suonno d'oro ll'hê distrutto tu

E famme n'atu ppoco cumpagnia

Chisà, dimane, si te veco cchiù

Che t'aggia dì

Si n'ato ammore dint'a st'uocchie tiene?

Che t'aggia dì

Si nun mme pienze e nun mme vuó' cchiù bene?

Che t'aggia dì

'O mmale ca mme faje

Tu stessa, tu stessa nun 'o ssaje

Ma 'o ssape chistu core

Ca more senza 'e te

Ma 'o ssape chistu core

Ca more senza 'e te