Illathe Kallyaanathinu (Version, 1)

ഹോ ഓ ഹോ ഹോ ഹോ

ഓഹ് ഓഹ്

ഇല്ലത്തെ കല്യാണത്തിന് മാറാപ്പും തോളിൽ കെട്ടി

ആകാശോം ഭൂമീം പോകുന്നേ

കൈയ്യിൽ വെള്ളിത്താലം കൊണ്ട്

മുടി കെട്ടി പൂവും ചൂടി വാർമേഘപ്പെണ്ണും പോകുന്നേ

ഓ കുടമുല്ല പന്തലു വേണം തകിൽ മേളം വേണം

നെയ് വിളക്കു പൊൻ നാളത്താൽ തിരിയേഴും തെളിയേണം

പൂവാരി തൂവാൻ കൂടെ നീയും പോരൂ

ഇല്ലത്തെ കല്യാണത്തിനു മാറാപ്പും തോളിൽ കെട്ടി

ആകാശോം ഭൂമീം പോകുന്നേ

ഹേ ഹേ ഹേ

ഓഹ് ഓഹ് ഓഹ് ഓഹ്

മാരിവില്ലു താളിൽ കാലം നാൾ കുറിക്കയോ

പൊന്നുരച്ചു മിന്നൽ തീർത്തോ പ്രേമലേഖനം

തൂ നിലാവു മഞ്ഞൾ തേയ്ക്കും താലിനൂലുമായ്

കനകതാലമായോ വിണ്ണിൽ പാർവണേന്ദുവും

നറുചന്ദനത്തിനാൽ വരക്കുറി അണിയുന്നു രാവുകൾ

പുടവക്കു വെണ്ണിലാ തളിർക്കരം കസവിട്ടു തന്നുവോ

ഓ നീ ചൂടും വൈഡൂര്യങ്ങൾ താരാജാലം

നീ മൂടും ചേല പട്ടായ് നീലാകാശം

ഇല്ലത്തെ കല്യാണത്തിന് മാറാപ്പും തോളിൽ കെട്ടി

ആകാശോം ഭൂമീം പോകുന്നേ

പൂജ വെച്ചു കാവിൽ പൊന്നിൻ താലി ആലില

ഹോമ മന്ത്ര പാദം പാടി പാതിരാക്കിളി

നീർക്കടമ്പു പൊട്ടും ചാർത്തി തോഴിമാരുമായ്

മണമുതിർന്ന മാല്യം നീട്ടി മാരമുല്ലകൾ

ജലപുഷ്പതീർത്ഥമായ് തളിക്കുവാൻ നദികൾക്കു മത്സരം

ഒരു മൺ ചെരാതു കൺ നിറഞ്ഞിതാ ഉഴിയുന്നു നിൻ മുഖം

നീ തൂകും ഈ മഞ്ജീരം പൂവായ് തീരാൻ

നേരാമിന്നേതോ മൗനം നേരായ് കാതിൽ

ഇല്ലത്തെ കല്യാണത്തിനു മാറാപ്പും തോളിൽ കെട്ടി

ആകാശോം ഭൂമീം പോകുന്നേ

കൈയ്യിൽ വെള്ളിത്താലം കൊണ്ട്

മുടി കെട്ടി പൂവും ചൂടി വാർമേഘപ്പെണ്ണും പോകുന്നേ

ഓ കുടമുല്ല പന്തലു വേണം തകിൽ മേളം വേണം

നെയ് വിളക്കു പൊൻ നാളത്താൽ തിരിയേഴും തെളിയേണം

പൂവാരി തൂവാൻ കൂടെ നീയും പോരൂ

ഇല്ലത്തെ കല്യാണത്തിനു മാറാപ്പും തോളിൽ കെട്ടി

ആകാശോം ഭൂമീം പോകുന്നേ

ഹേ ഹേ ഹേ

ഓഹ് ഓഹ്

ഹേ ഹേ ഹേ

ഓഹ് ഓഹ്