Текст пісні
Letscht Nacht bini erwachet wägem Lärme vorem Huus
Paar Type hei sich verschlagä aus vou Bluet
Wo Polizei mit Blauliecht ifahrt het säch usegsteut
Sie hei Stress gha zämä nume wägem Geld
Wägem Geld
Wägem ne lumpige Huufe Geld
E Frou im 31er schreit i ds Telefon
Ihre Maa de heigis iz endgültig gno
Si löng sich scheidä mit Hilf vo Rächtsawält
Was bringt e Mönsch wo geng müed isch wägem Geld
Wägem Geld
Wägem ne lumpige Huufe Geld
Wägem Geld
Oooh wägem Geld
Wägem Geld
Wägem ne lumpige Huufe Geld
D'Lea isch ar Uni si macht BWL
D'Eltere hei ke Stutz si schafft Day and Night
Wohnt chli usserhaub wüus für d'Stadt nid längt
Isch ir Nacht uf Onlyfans nume wägem Geld
Wägem Geld
Wägem ne lumpige Huufe Geld
Und I stah hie obe machä für öich dr Clown
Tanze wi verrückt schreie is Mikrofon
We dir mi fraget wieso, warum i aller Wält
De muesi ehrläch sägä i gloub wägem Geld
Wägem Geld
Wägem ne lumpige Huufe Geld
Heis nur wägem Geld gmacht
Wägem ne huufe Geld gmacht
Heis nur wägem Geld gmacht
Nid mau e huufe Geld gmacht
Wägem Geld
Oooh wägem Geld
Wägem Geld
Wägem ne lumpige Huufe Geld
Wägem Geld
Oooh wägem Geld
Wägem Geld
E lumpige Huufe Geld