Текст пісні
بلاد الموبيقات بلاد تحب الفاحشا
بلاد تعيش بالله و فنفس الوقت مستاحشا
بلاد العريا برور بلاد كذب و قول زور
بلاد فسق و شرور تحكمها يدين تتراعشا
بلاد شعندك شنو تكسب تو نقيمك
بلاد تطفي الضو معليش بالسترة كول قسيمك
تعيش رضي بالذل تصبر لين ربي يسهل
فبلاد لمراض لعلل بطل جيبها لصريمك
حكومة دور بالبلدان تكردي
فالزهومة حتى نوصل نبدل جردي
مالحومة قانون الغاب البونية بكردي
سل يوما عامل تكساح جريان لفردي
يا مشومة يا بلاد تضوي عالبراني
قد ما فيك نذم حلال
قد ما جهدي معاك عطاني نسب
جنسية فالزبلة نكب جملة نتأسف
مانيش مواطن تي فاطن مش كي الدمى نترصف
تحبوا تعيشوا وحدكم من تستعاروا
تحبّونا تحت القاعة نعطيو لذلّ كاروا
نجريو عل خبزة كل يوم نتحملوا الكشّة و اللوم
ننساو بعقاقر سموم على زوز فرنك طاروا
لا قلنا الموت و لا مذلّة بحيا
حقّي في كرشك يا مفسود يا زير النسا
يا لصّ يا معلّي لهوا يا مولا البنية الخايخة
حسابك مركون ما وفا ما تقول الخلق دايخة
غدوة مصير الحق راجع لصحابو
بلا ندوة لا مانيش لي تسخابوه
قدوة اني لردمت تحت ترابو
العبوة بين القصرين وبلاد دجابو
ربوة ، جبولة سهولة كل شي مالكين
فكيتو سماها وطاها بالله على شنوا معملين
قلي تحسب و تقلي يفضلي نفسي امارة
قانون شكون يوصلي الموت يقعد ليدي امرا
دايرة ، الأيام وبما تدين تدان
سايرة وعملت الشر تتجازى ذنبو
زائرة دامتش مرة مخلوق إنسان ؟
عاير مدام يلم ويحط بجنبو
جائرة الأحكام عليا و عليه تهوان
كرايرا رصات الناس إدمان يبمبو
حائرة الخلق من سي من ولد فلان
فايرة لقلوب باش ترصيلنا نكمبو ...
شنوا إلي خذيتو منها بلاد القوم الفاجرة
شنوة تستنو من دولة حكمتها ماجرة
نشران الإثم والفسق تحت القانون الزاجرا
عمال يضيقوا علينا في الرزق بينا المتاجرة
تجري ماخلطت وكان لميت حفينة يتبعوك
تحيا مستور معاهم لا ، لازم يجوعك
ديمة محتاج وموسال ، سياسة لينا بش يحكموك
بلاد كان جا فيها الخير قبر رهو مخليلك بوك
دولة! وين الثورة وين خيراتها!