Текст пісні
ਘਰ ਦਾ ਮੁੱਕਦਾ ਨਹੀਂ ਰੁਝੇਵਾਂ
ਤੈਂਨੂੰ ਚੜ੍ਹਿਆ ਰਹੇ ਅਥੇਵਾਂ
ਤੂੰ ਤੁਰ ਜਾਨੈ ਲਾਹੁਣ ਥਕੇਵਾਂ
ਆਥਣ ਵੇਲ਼ੇ ਠੇਕੇ 'ਤੇ
ਸਾਲ ਹੋ ਗਿਆ ਪੂਰਾ ਮਿਲਣ ਗਈ ਨਾ ਪੇਕੇ ਵੇ
ਸਾਲ ਹੋ ਗਿਆ ਪੂਰਾ ਮਿਲਣ ਗਈ ਨਾ ਪੇਕੇ ਵੇ
ਆ ਜਾਏ ਹਾੜੀ ਮਗਰੋਂ ਸੌਣੀ
ਬੀਜ-ਬਿਜਾਈ, ਗੋਡੀ ਲਾਉਣੀ
ਕਾਹਦੀ ਸੁਰਤ ਜੱਟਾਂ ਨੂੰ ਆਉਣੀ?
ਮੁੱਕਦੇ ਨਹੀਂ ਝੁਮੇਲੇ ਨੀ
ਮਿਲਣ ਚੱਲਾਂਗੇ, ਹਾਣਦੀਏ, ਹੋ ਜਾਈਏ ਵੇਹਲੇ ਨੀ
ਮੈਂ ਕਿਹਾ, ਮਿਲਣ ਚੱਲਾਂਗੇ, ਹਾਣਦੀਏ, ਹੋ ਜਾਈਏ ਵੇਹਲੇ ਨੀ
ਪਹਿਲਾਂ ਰਿਹਾ ਬਿਮਾਰ ਵੇ ਜੀਜਾ
ਵੇ ਆ ਗਿਆ ਸੁਨੇਹਾਂ ਤੀਜਾ
ਵੇ ਹੱਥੋਂ ਬਹਿ ਗਿਆ ਸਾਲ ਭਤੀਜਾ
ਵੇ ਚਾਅ ਪੈ ਗਏ ਚਰਨੇ 'ਤੇ
ਜਾਣਾ ਪਊ ਜ਼ਰੂਰੀ ਹੁਣ ਦਾਦੀ ਦੇ ਮਾਰਨੇ 'ਤੇ
ਵੇ, ਜਾਣਾ ਪਊ ਜ਼ਰੂਰੀ ਹੁਣ ਦਾਦੀ ਦੇ ਮਾਰਨੇ 'ਤੇ
ਲਿੱਪਣ ਵਾਲ਼ੀ ਪਈ ਐ ਤੂੜੀ
ਓਹਦੇ ਮਗਰੋਂ ਪਾਉਣੀ ਰੂੜੀ
ਪੈ ਗਈ ਉੱਤੋਂ ਹੋਰ ਭਸੂੜੀ
ਸੱਦਿਆ ਕੰਮ 'ਤੇ Karme ਨੂੰ
ਉੱਗਿਆ ਮਗਰੋਂ, ਪਹਿਲਾਂ ਸੁੰਡੀ ਪੈ ਗਈ ਨਰਮੇਂ ਨੂੰ
ਹਾਣਦੀਏ, ਉੱਗਿਆ ਮਗਰੋਂ, ਪਹਿਲਾਂ ਸੁੰਡੀ ਪੈ ਗਈ ਨਰਮੇਂ ਨੂੰ
ਤੈਨੂੰ ਮੈਂ ਸਮਝਾ ਕੇ ਹਾਰੀ
ਪੈਲੀ ਦੇ ਠੇਕੇ 'ਤੇ ਸਾਰੀ
ਮੈਂ ਤਾਂ ਇੱਕੋ ਗੱਲ ਵਿਚਾਰੀ
ਕੁੱਝ ਨਹੀਂ ਬੱਚਦਾ ਧੰਦੇ 'ਚੋਂ
ਸਾਰੀ ਦੁਨੀਆਂ ਸੌਖੀ, ਵੇ ਤੈਥੋਂ ਸੂਲੀ ਟੰਗੇ ਤੋਂ
ਵੇ ਸਾਰੀ ਦੁਨੀਆਂ ਸੌਖੀ, ਵੇ ਤੈਥੋਂ ਸੂਲੀ ਟੰਗੇ ਤੋਂ
Sekho Jandwalia ਕਹਿੰਦਾ
"ਕਰਜਾ ਚੜ੍ਹਦਾ-ਲਹਿੰਦਾ ਰਹਿੰਦਾ"
ਭਾਵੇਂ ਝਾੜ ਪੱਲੇ ਨਹੀਂ ਪੈਂਦਾ
ਬੱਲੀਏ, ਫ਼ਸਲ ਪਛੇਤੀ ਦਾ
ਜੱਦੀ-ਪੁਸ਼ਤੀ ਧੰਦਾ ਛੱਡ ਨਹੀਂ ਸਕਦੇ ਖ਼ੇਤੀ ਦਾ
ਹਾਣਨਣੇ, ਜੱਦੀ-ਪੁਸ਼ਤੀ ਧੰਦਾ ਛੱਡ ਨਹੀਂ ਸਕਦੇ ਖ਼ੇਤੀ ਦਾ