Текст пісні
Cursichella sfurtunata
Mamma di tanti figlioli
Sarà prestu abbandunata
Sì qualchi rimedi'ùn trovi
Per tene vicinu à tè
I to frutti vechji è novi
Tutti i to figliulacci
Partenu à circà furtuna
Ùn hai più contu à facci
Nemmenu speranza alcuna
Almenu ch'è t'ùn t'adopre
Di a pastoghja o di a funa
Si ne vanu à lu stranieru
Cume veri spatriati
Di tè ùn hanu più penseru
Nè di duv'elli sò nati
Quelli valurosi Corsi
Pè a Patria sacrificati
Chì ne penserà Sampieru
De Paoli o Sambucucciu
Videndu chì lu s'imperu
Hè minacciatu da per tuttu?
A ruvina hè generale
È smarisce fondu è fruttu
Ùn ci hè più Corsi di sanna
Ùn ci hè chè scarti di natura
Di la so povera mamma
Soca ùn anu più primura
Ma la vergogna hè per elli
S'ella more di malcura
Facciu un'ardente preghera
È la mandu à Santa Stella
S'ellu ci fussi manera
Chì per avà s'hè zitella
D'allungà un pocu la vita
À la nostra Cursichella
Quì finiscu u mio lamentu
Chì troppu male mi face
Mi scappa guasi lu pientu
Nè soffru è po mi dispiace
Ch'è tù campi o Cursichella
Incù u riscantu in pace
Ch'è tù campi o Cursichella
Incù u riscantu in pace