សុបិនចំឡែក

ទឹកស្ទឹងខែប្រាំង ថ្លាយង់យល់ដី

រដូវភពថ្មី ស្រីហើយនិងបង

រត់កាន់ដៃគ្នា ទាំងគូត្រសង

រៀមបីត្រកង អូនក្នុងហត្ថា

ផ្នូកខ្សាច់ប្រផូរ ទឹកហូររឹមរឹម

អូនស្រស់ញញឹម ស្រស់ផ្ទឹមនឹងផ្កា

យើងងូតទឹកលេង ទាំងពីរកាយា

រៀមជ្រងកេសា សាច់ស្មាម៉ដ្ឋខៃ

សាច់អឺយ! អឺយសាច់ ច្របាច់មិនស្កប់

ទ្រូងញ័រចំប្រប់ សប្បាយលាយភ័យ

មិនដែលជួបសោះ សម្រស់ដូចស្រី

ចុះចៃដន្យអ្វី សំណាងម្ល៉េះខ្ញុំ

រៀមខំបីបម ថ្នមកែវវរលក្ខណ៍

ស្រាប់តែរៀមភ្ញាក់ ដូចគេបង្ខំ

សុបិនចម្លែក ចង់តែស្រែកយំ

រាវរកមាសម៉ុម ប៉ះតែខ្នើយឱប

រៀមខំបីបម ថ្នមកែវវរលក្ខណ៍

ស្រាប់តែរៀមភ្ញាក់ ដូចគេបង្ខំ

សុបិនចម្លែក ចង់តែស្រែកយំ

រាវរកមាសម៉ុម ប៉ះតែខ្នើយឱប