Текст пісні
تنزلي باتل راب مش هتتساب هنشيلك في الدولاب
داخل في اللعبة انا وعارف مين حقيقي ومين كداب
بنك وكل غلطة بتعملوها بفتح ليها حساب
صعب الازعاج كسرت السن قام طالعلي ناب
سامع دب دب علي الباب مبيردش
اكيد مشغول مع فكرة تانية بس ده مش مقنع
مين اللي قالك ان بونو واقف مبيصدش
ده حتي بابلو ضيع الجون ف ياريت متشكش
كاريزما باتمان وسبايدر مان في وقت واحد
الفكرة بجيبها ف ثانية ف بيقولو شاب جاحد
الوقت بيجري مني دقيقة ثانية مش ملاحق
ف يوم هجيب الـ Dodge اسوقها واتصور في الساحل
غيرت الاسامي غيرت الشخصية
مع ذلك مغيرتش العادات اللي كانت فيا
مش بتكلم بس بقول اللي جوايا في الاغنية
كان هيبقا حالنا احسن لو محدش خبي النية
بقينا ندرك ان في ناس ف حياتنا مينفعوش
الواحد كان هيبقا حالته احسن لو هما اصلا مجوش
وانا بتمني ليك الخير بعيد عني وهكون مبسوط
بس الفكرة اني فاضي مش هجيب سيرتك لو مشغول
بتلف تدور كلامي كله مفهوم
والقصة فيها فاعل فعل فعل اتفعل عالمفعول
بتقول هقول طب ما تقول واقف وبوقك مقفول
كلامك كله منقول لو صاحبي ف ضهري معلول
يسندلي الكورة بس هباصي مش هشوط
طبع الانانية مشوفناهوش غير عند الروس
لو كنت اناني برضو كنتو انتو متحركتوش
دخلتو الغل ف قلبي التكتيك كان مدروس
بس المزة قاعدة جمبي عين بتلمع شعر دايب
لو جاتلي الفرصة امسك ايديها قلبي هيقول مش سايب
مع اني لما بشوفها متضايقة ببقا متضايق
بس يسلام يسلام لو مزاجنا رايق
عالبيت مش راكب انا ببقا سايق
لو نمت بصحي تاني يوم بكون مش فايق
بطلت ادور علي حد لايق
وانا مش بحسب بالسنة بحسب الوقت بدقايق
ثانية ورا ثانية تيك توك الايام جاية
الطموح هتبقا عالية مش هقبل بحاجة تانية
مش هقبل اقدم قطعة فن اللي لو غالية
عجائب الدنيا سبعة هخليهم تمانية
وانا هسلم علي كل الاخصام
عامل زي الاسد يستناهم لما بيصطاد
وانا البطل فيهم منغير ما اكسب دوري الابطال
يسطا لو غيري يكسب عادي بس It's Just افتراض
انا مش حكم بس برجع للڤار
برجع لنفسة النقطة تاني بس منغير ما اختار
عارف كل وحش فيهم عارف كل الاسرار
لي في كل قصة بألفها بتبقو انتو الاشرار