Текст пісні
فرع المداخل دكتور بروف
كل 24 ساعة بتوصل لغير نتائج
الأفكار براسي بتدافش زي الثور الهائج
حد يجي يمسكها بس مؤنثها بقرة
اختلطت الكلمات علي فش إشي إسمه ثورة
الشباب منورة لما تولع فحالها النار
إشي بقول إرتفاع أسعار إشي بقول إنتحار
فرشت صفحات الغد و الرأي على طول الدار
قلت من مرة بطرش وصلت طلوع المصدار
بدي اشتري عفش فالتقيت بنجار
المفروشات مصفوفة دحش منراعيك إختار
بدينا بـ ياخال إنت أول زبون من الصبح
إنتهينا بأمريكا بتخليش حدى يزرع قمح
بكل بساطة يوميات شعوب تحت الإستعمار
لا تضخم المؤامرة مجرد احتكار
فأفطروا إستقرار وتغدو أمان
بدكم تتعشوا؟ مافي كمان
إطلع عدوار الرابع نام مع الأيتام
زي محمد أحمد إنسان ماني حيوان
مستنكرين على الشعب التعبير عن المكان
زي لما اكتشفوا الفيسبوك بأمانة عمان
إحنا بنو إسرائيل الأصليين بدون صحراء تياه
ما حدش عم برد علينا زي شكاوي المياه
التمويل أعلاف تالفة وبسموها معزة
نازلة سكب زي الترامال على ولاد غزة
فلوين يابلد بدك إياها توصل معانا
و لوين يابلد بدنا إياها توصل معاكي
مش معقول يا بلد إنضل إنقول هذا إلي إجانا
مش معقول يا بلد تقوليلنا هذا إلي إجاكي
فلوين يابلد بدك إياها توصل معانا
و لوين يا بلد بدنا إياها توصل معاكي
مش معقول يابلد 10 فيكي معهم ملايين
و ستة مليون كل يوم بجوعوا فداكي
أنا مش كتير اشتراكي ولا بمظاهرات الحراكي
أيتها الإصلاحات إني لا أراكي
قام الهاكر بإختراقي منيح خلص اشتراكي
كنت بدي أفوت على الفيسبوك و أكتب ستاتوس راقي
مظاهرات جرائم الشرف ما كانوش بنات مندسات
بس يافطاتهم ركيكة فأكلوا كتير دسات
الشعب متوتر إضراب معلمين و مسات
مش عارف إذا أنا الوحيد اللي جايه الإحساس هاد
السلاح بالبلد عم يكتر مش عم بحكي عن الجاهات
الروس الكبيرة تركوا البلد و خففوا قعدات
رح نضطر نتصرف مع الدبابات جاي للفوسفات
أنا بقول نطلعلهم بمسدسات كانا على الجوسات
الطخ عالهوا بكون بالأول تهديد
كنا بعرس وطني بس هلأ اندلق الجميد
خنحكي بالمفيد المنطقة كلها مكركبة