Aakash Pangha Rooni Jag Shant Zopale

आकाश पांघरुनी जग शांत झोपले हे

घेऊन एकतारी गातो कबीर दोहे

आकाश पांघरुनी

गगनात हांसती त्या स्वप्नील मंद तारा

वेलीवर सुखाने निजला दमून वारा

कालिंदीच्या तीरी या जल संथ संथ वाहे

घेऊन एकतारी गातो कबीर दोहे

आकाश पांघरुनी

भरला स्वरात त्याच्या भक्तीतला सुगन्ध

भरला स्वरात त्याच्या भक्तीतला सुगन्ध

ओठात आगळाच आनंद काही धुंद

त्याच्या समोर पुढती साक्षात देव आहे

घेऊन एकतारी गातो कबीर दोहे

आकाश पांघरुनी

काहूर अंतरीचे भजनात लोप होई

भक्तीत श्रीहरीच्या मन हे रमून जाई

उघडून लोचनांना तो दिव रूप पाहे

घेऊन एकतारी गातो कबीर दोहे

आकाश पांघरुनी जग शांत झोपले हे

घेऊन एकतारी गातो कबीर दोहे

आकाश पांघरुनी