Текст пісні
ធម្មតា សុរិយារះតែពេលថ្ងៃ
លុះលង់រាត្រី
ត្រូវពឹងរស្មី នៃដួងព្រះខែ
ឯខ្ញុំពេញវ័យ មានសេរីដែរ
តែដូចជាគ្មានន័យទេ
បម្រើចិត្តគេ ជាងខ្លួន
កើតជា ព្រះចន្ទមិនស្ដាយរស្មី
ស្ម័គ្រជួយរាត្រី
បំភ្លឺលោកីយ៍ ជួសសែងសុរិយា
ភារៈនៃខ្ញុំ រៀមច្បងគ្រួសារ
មិនខុសពី ដួងចន្ទថ្លា
បូជាវាសនា ជូនសាច់ឈាមឯង
ស្នេហាដូចជា ទឹកលើស្លឹកឈូក
ត្រូវខ្យល់បក់បោក
យំសោកបោកកាយ ស្ដាយស្លឹកអឺ! ឈូកខ្ចី
បងព្រាត់ ពីស្រី
តែចិត្តមេត្រី
រលាយផែនដី ក៏នៅតែស្នេហ៍
បើអូន ជាបង តើធ្វើយ៉ាងណា?
ម្ខាងស្នេហា
ម្ខាងទៀតគ្រួសារដែលត្រូវដោះស្រាយ
អូនអើយស្នេហា អ្នកណាមិនស្ដាយ
តែធ្វើម្ដេចទៅ ឆោមឆាយ
ស្រាយរឿងគ្រួសារ មិនទាន់រួចផង
បើអូន ជាបង តើធ្វើយ៉ាងណា?
ម្ខាងស្នេហា
ម្ខាងទៀតគ្រួសារដែលត្រូវដោះស្រាយ
អូនអើយស្នេហា អ្នកណាមិនស្ដាយ
តែធ្វើម្ដេចទៅ ឆោមឆាយ
ស្រាយរឿងគ្រួសារ មិនទាន់ រួចផង!