Текст пісні
थानै निरख-निरख मुस्कावाँ
हरख-हरख हर्सावाँ मैं
चाँद सा रीसो है उणियारो
ईह पै वारी जावाँ मैं
आओ, माहरे पास मिजाजी
माह सु नैण मिलाओ जी
अब तो रहियो ना जावै पल भी
आ, हिवड़ै लग जाओ जी
आ, हिवड़ै लग जाओ जी
थानै काजळियो बणा ल्यूँ
म्हारे नैणा में रमा ल्यूँ
राज पलका में बंद कर राखूँली
हो, राज पलका में बंद कर राखूँली
थानै काजळियो बणा ल्यूँ
म्हारे नैणा में रमा ल्यूँ
राज पलका में बंद कर राखूँली
हो, राज पलका में बंद कर राखूँली
पलका मा ही बंद होया तू
नींद क्या फिर आवैली
फिर तो पिव नै, गोरी
थारी याद घणी तड़पावैली
मन की माय बसाए राखल्यूँ
रंग प्रीत को राचैलो
मनड़ो नौ-नौ ताळ मिजाजण
थारो पल-पल नाचैलो
थारो पल-पल नाचैलो
थाने नौसर हार बणा ल्यूँ
म्हारे मनड़ै सु लगा ल्यूँ
चुनरी में छिपाए थाने राखूँली
हो, चुनरी में छिपाए थाने राखूँली
चुनर कै चारूँ पल्ला पै
पिव को नाम लिखायो जी
छैल-छबिलो रूप पिया को
गोरी कै मन भायो जी
आपाँ जनम-जनम का साथी
साथ कदैई नहीं छूटै
प्रीत प्रेम की डोरी को
यो नातो कदैई नहीं टूटै
नातो कदैई नहीं टूटै
थाने मोतीड़ो बणा ल्यूँ
अँगूठी कै माय सजा ल्यूँ
अँगुली में पहराय थाने राखूँली
ओ, अँगुली में पहराय थाने राखूँली
थानै काजळियो बणा ल्यूँ
म्हारे नैणा में रमा ल्यूँ
राज पलका में बंद कर राखूँली
हो, राज पलका में बंद कर राखूँली